Farg‘onaning “Neftchi” jamoasi 10 iyun kuni Quvasoyning “Sementchi” jamoasiga qarshi o‘rtoqlik bahsida ishtirok etdi.

“Dinamo” bilan o‘yinga tayyorgarlik bosqichiga kiruvchi mazkur bellashuvda Vadim Karlenovich shogirdlari kichik hisobda g‘alabaga erishdi. Birinchi bo‘limda Abbos Maxstaliyevning jarima to‘pidan urgan goli “Neftchi”ning muvaffaqiyatiga yetarli bo‘ldi.

Uchrashuvda Vadim Abramov ikki xil tarkibni ko‘zdan kechirdi. Birinchi bo‘limda asosiy tarkib futbolchilari maydonga tushishgan bo‘lsa, keyingi bo‘limda aralash tarkib harakatlandi.

O‘z vaqtida “Neftchi” jamoasida safida faoliyat olib borgan Otabek Haydarov ayni kunlarda jamoa ko‘rigida bo‘lib turibdi. Jamoa ustozi “Sementchi”ga qarshi bellashuvda Haydarovni ham maydonga tushirdi.

“Neftchi” “Sementchi”ga bilan bellashuvda quyidagi tarkibda o‘ynadi.

Asosiy tarkib: Abdumavlon Abdujalilov, Dilyor Irmatov, Muhsin Ubaydullayev, Baxtiyor Yoqubov, Mirjamol Ne’matov, Javohir Rasulov, Muzaffar Muzaffarov, Abbos Maxstaliyev, Nikita Pavlenko, Abdurahmon Abdulhaqov, Mo‘ydin Mamazulumov

Zaxiradan maydonga tushganlar: Otabek Isroilov, Umid Qodirov, Furqat Hasanboyev, Said Abdujabborov, Akram Bahriddinov, Islom Toshpo‘latov, Rizo Ayvazov, Xurshid Asqaraliyev, Shodiyor Xojimatov, Otabek Haydarov

Eslatib o‘tamiz, Oliy liganing 13-turida “Neftchi” jamoasi Samarqandning “Dinamo” jamoasini o‘z maydonida qabul qiladi. Bellashuv 14 iyun kuni o‘tkaziladi.