Фарғонанинг “Нефтчи” жамоаси 10 июнь куни Қувасойнинг “Цементчи” жамоасига қарши ўртоқлик баҳсида иштирок этди.
“Динамо” билан ўйинга тайёргарлик босқичига кирувчи мазкур беллашувда Вадим Карленович шогирдлари кичик ҳисобда ғалабага эришди. Биринчи бўлимда Аббос Махсталиевнинг жарима тўпидан урган голи “Нефтчи”нинг муваффақиятига етарли бўлди.
Учрашувда Вадим Абрамов икки хил таркибни кўздан кечирди. Биринчи бўлимда асосий таркиб футболчилари майдонга тушишган бўлса, кейинги бўлимда аралаш таркиб ҳаракатланди.
Ўз вақтида “Нефтчи” жамоасида сафида фаолият олиб борган Отабек Ҳайдаров айни кунларда жамоа кўригида бўлиб турибди. Жамоа устози “Цементчи”га қарши беллашувда Ҳайдаровни ҳам майдонга туширди.
“Нефтчи” “Цементчи”га билан беллашувда қуйидаги таркибда ўйнади.
Асосий таркиб: Абдумавлон Абдужалилов, Дилёр Ирматов, Муҳсин Убайдуллаев, Бахтиёр Ёқубов, Миржамол Неъматов, Жавоҳир Расулов, Музаффар Музаффаров, Аббос Махсталиев, Никита Павленко, Абдураҳмон Абдулҳақов, Мўйдин Мамазулумов
Захирадан майдонга тушганлар: Отабек Исроилов, Умид Қодиров, Фурқат Ҳасанбоев, Саид Абдужабборов, Акрам Баҳриддинов, Ислом Тошпўлатов, Ризо Айвазов, Хуршид Асқаралиев, Шодиёр Хожиматов, Отабек Ҳайдаров
Эслатиб ўтамиз, Олий лиганинг 13-турида “Нефтчи” жамоаси Самарқанднинг “Динамо” жамоасини ўз майдонида қабул қилади. Беллашув 14 июнь куни ўтказилади.
