«Navbahor» rejaga ko‘ra, nazorat o‘yinida maydonga tushdi.

Dastlab raqib sifatida Birinchi liga vakili “Xotira-79” jamoasi tanlangandi. Lekin, uychiliklar so‘nggi pallada o‘rtoqlik uchrashuvini o‘tkazmazishdan bosh tortgach, murabbiylar yoshlar jamoasi bilan bahs yuritishga qaror qilishdi. Har bir bo‘limi 35 daqiqadan iborat bo‘lgan nazorat o‘yinida 2:2 hisobidagi durang qayd etildi.

Uchrashuvni ancha faol boshlagan ikkinchi tarkib a’zolari tezkor gol urishga erishdi. 7-daqiqada markazdan oldinga intilgan Ergashev o‘zi boshlagan hujumni samarali yakunlay oldi. Oradan biroz vaqt o‘tib, Abduaziz Sultonov ikki himoyachini dog‘da qoldirgan holda o‘ng qanotdan oldinga intilib, Ahmad Mamadaliyevni to‘p bilan ta’minladi. Yosh futbolchimiz esa yakuniy zarbani berishda xatoga yo‘l qo‘ymadi – 0:2.

Asosiy tarkib vakillari bir qator hujumlar tashkil etishgan bo‘lsa-da, uzoq vaqt davomida urinishlardan samara chiqara olishmadi.

31-daqiqaga kelib esa ular hisobdani farqni qisqaartirishga erishishdi. Azizbek Turg‘unboyev o‘ziga ishlatilgan qo‘pollik uchun belgilangan jarima zarbasini golga aylantira oldi.
Ikkinchi bo‘lim davomida har ikki tomonda ham gol urish uchun bir qator vaziyatlar yuzaga keldi.

Shunga qaramay, hujumlarni golga aylantirishda futbolchilarga aniqlik yetishmadi.
O‘yin yakunlanishi arafasida Nemanya Yovanovich Nodir Ashurmatov darvozasiga belgilangan penaltini aniq amalga oshirib, yakuniy natijani durang bo‘lishini ta’minladi.

Nazorat o‘yini.
10 iyun. Namangan. “Markaziy” o‘yingoh.
“Navbahor-1” – “Navbahor-2” – 2:2 (1:2).
Gollar: A.Turg‘unboyev (31), N.Yovanovich (64-pen.) – H.Ergashev (7), A.Mamadaliyev (12).
Hakamlar: M.Mamatxonov, R.Odilov, M.Nexochin.
“Navbahor-1”: 87. Akmal Ortiqov, 4. Abbos Otaxonov (2. Ahmad Mamadaliyev, 49), 7. Oybek Qilichev, 9. Dilshod Jabborov, 10. Mansur Saidov, 19. Mirzohid G‘ofurov, 21. A’zam Aliyev (4. Abbos Otaxonov, 58), 32. Jahongir Mehmonov, 44. Darko Stanoyevich, 77. Azizbek Turg‘unboyev, 84. Nemanya Yovanovich.
“Navbahor-2”: 12. Nodir Ashurmatov, 2. Alisher Samatov, 3. Hasanboy Ergashev, 5. Iskandar Siddiqjanov (22. Hojiakbar Yunusov, 36; 95. Yunusbek Abduvohidov, 57), 7. Ahmad Mamadaliyev (21. Javohir Olimjonov, 48), 8. Ravshan Xursanov, 9. Muzaffar Abdullayev (10. Bilol Toshmirzayev, 36), 11. Abduaziz Sultonov, 17. Ilhom Boydedayev, 20. Alisher Mirzayev, 33. Tohir Shamsitdinov.
Ogohlantirishlar: M.G‘ofurov (46) – T.SHamsitdinov (47).