Fransiya terma jamoasining sobiq hujumchisi Jibril Sisse dushanba kuni sud oldida javob beradi.

L'Equipe xabariga ko‘ra, futbolchi tovlamachilikda ayblanmoqda.

Fransiya prokuraturasi ma’lumotiga ko‘ra, 35 yoshli Sisse bilan uning ikki nafar tanishi – Aksel Ango va Mustafo Zuaviy yarimhimoyachi Matyo Valbuenaning shaxsiy videosini ommaga oshkor qilish bilan tahdid qilib, undan katta miqdorda pul undirib olmoqchi bo‘lgan. Valbuena ularning tahdidi yuzasidan zudlik bilan polisiyaga murojaat qilgan. Endi har uchalasi ham sud oldida o‘z ko‘rsatmalarini beradi.

Avvalroq, bu ishga «Real» hujumchisi Karim Benzemaning ham dahli borligi ma’lum bo‘lgandi. Ammo prokuratura unga hech qanday ayblov e’lon qilmadi.