Франция терма жамоасининг собиқ ҳужумчиси Жибрил Сиссе душанба куни суд олдида жавоб беради.

L'Equipe хабарига кўра, футболчи товламачиликда айбланмоқда.

Франция прокуратураси маълумотига кўра, 35 ёшли Сиссе билан унинг икки нафар таниши – Аксел Анго ва Мустафо Зуавий яримҳимоячи Матьё Вальбуэнанинг шахсий видеосини оммага ошкор қилиш билан таҳдид қилиб, ундан катта миқдорда пул ундириб олмоқчи бўлган. Вальбуэна уларнинг таҳдиди юзасидан зудлик билан полицияга мурожаат қилган. Энди ҳар учаласи ҳам суд олдида ўз кўрсатмаларини беради.

Аввалроқ, бу ишга «Реал» ҳужумчиси Карим Бенземанинг ҳам даҳли борлиги маълум бўлганди. Аммо прокуратура унга ҳеч қандай айблов эълон қилмади.