«Lester» yarimhimoyachisi Riyoz Mahrez boshqa klublardan taklif olmaganini aytdi.
«Arsen Venger men haqimda iliq so‘zlarni aytibdi, bu katta sharaf. Biroq mish-mishlar va haqiqat orasida katta farq bo‘ladi. Ayni paytda hech kimdan taklif olmaganman.
Menimcha, «Lester»ni tark etish uchun qulay payt yetib keldi. Biz Angliya chempioni bo‘ldik, Chempionlar ligasida muvaffaqiyatli to‘p surdik. Juda zo‘r yutuqlarga erishdik deb hisoblayman» - dedi Mahrez Goal xabarida.
Avvalroq, 26 yoshli futbolchi bilan «Barselona», «Chelsi» va «Arsenal» qiziqayotgani haqida xabarlar chiqqan edi. Uning shartnomasi 2020 yilda o‘z nihoyasiga yetadi.
