«Лестер» яримҳимоячиси Риёз Маҳрез бошқа клублардан таклиф олмаганини айтди.

«Арсен Венгер мен ҳақимда илиқ сўзларни айтибди, бу катта шараф. Бироқ миш-мишлар ва ҳақиқат орасида катта фарқ бўлади. Айни пайтда ҳеч кимдан таклиф олмаганман.

Менимча, «Лестер»ни тарк этиш учун қулай пайт етиб келди. Биз Англия чемпиони бўлдик, Чемпионлар лигасида муваффақиятли тўп сурдик. Жуда зўр ютуқларга эришдик деб ҳисоблайман» - деди Маҳрез Goal хабарида.

Аввалроқ, 26 ёшли футболчи билан «Барселона», «Челси» ва «Арсенал» қизиқаётгани ҳақида хабарлар чиққан эди. Унинг шартномаси 2020 йилда ўз ниҳоясига етади.