O‘zbekiston futbol federasiyasi  15 iyun kuni maxsus bayonot bilan chiqish qilib, Samvel Babayan boshliq murabbiylar shtabi kamida 5 sentyabrga qadar ishlashini ma’lum qildi.

Shu bilan birgalikda Tashqi ishlar vazirligi matbuot xizmatining alohida qayd etishicha, «O‘zbekiston terma jamoasining so‘nggi xalqaro o‘yinlari natijalaridan ranjigan futbol muxlislari nomidan tushgan murojaat haqida ham vazir xabardor qilingan».

Ba’zi bir ishqibozlar esa O‘FF o‘z qarorini o‘zgartirishi uchun shaxsan mamlakatimiz rahbari Shavkat Mirziyoyevning aralashuvi kerak, deb hisoblashmoqda.

Ma’lumki, FIFA qoidasiga binoan, mamlakat futbol federasiyasining ishiga davlat idoralarining aralashishi mumkin emas. Aks holda ushbu mamlakat federasiyasi FIFAdan chetlatilishi mumkin.