Oliy liganing 13-tur bahslari yakunlandi. Turning so‘nggi bahsida "Bunyodkor" o‘z maydonida "Qo‘qon-1912"ni qabul qildi va oson bo‘lmagan g‘alabani qo‘lga kiritdi.

Uchrashuvning 6-daqiqasida Doston Hamdamov hisobni ochgan bo‘lsa, bahsning 20-daqiqasida qo‘qonliklar Nosirbek Otaqo‘ziyevning goli evaziga hisobni tenglashtirishdi.

Ikkinchi bo‘limda mezbonlar yaratilgan imkoniyatlardan biridan samarali foydalanishdi. Hamdamov bu o‘yinda dublga erishdi va jamoasiga g‘alabani taqdim etdi.

Mirjalol Qosimov "Bunyodkor"ga qaytganidan keyin Oliy liga doirasida ilk g‘alabasiga erishdi. Bungacha "qaldirg‘ochlar" ketma-ket 3ta o‘yinda yuta olishmagandi.

Ushbu g‘alaba tufayli "Bunyodkor" o‘z ochkolarini 15taga yetkazdi va 12-o‘rinni egallab turibdi. "Qo‘qon-1912"ning esa 11ta o‘yindan iborat mag‘lubiyatsiz o‘yinlar seriyasiga barham berildi. Qo‘qonliklar 23 ochko bilan 3-o‘ringa tushib qolishdi.

Oliy liga, 13-tur
«Bunyodkor»  – «Qo‘qon-1912» 2:1
Gollar: Dostonbek Hamdamov (6, 60), Nosir Otaqo‘ziyev (21)
“Bunyodkor”: 25.Murodjon Zuhurov (S), 2.Rustamjon Ashurmatov, 4.Akramjon Komilov, 8.Jovlon Ibrohimov, 9.SHahzodbek Nurmatov, 10.Eldor Shomurodov (28.Davron Umirov, 72), 17.Dostonbek Hamdamov, 19.Nurillo To‘xtasinov (20.sardor azimov, 90), 21.Dilshodbek Ahmadaliyev, 29.Otabek Shukurov, 44.Mirjamol Qosimov (15.Farruh Ikromov, 61)
"Qo‘qon-1912": 12. Aziz Ashurov, 4. Bahodir Akramov (97.Oybek Rustamov, 59), 5. Jalil Kimsanov (11.Andrey Sidirov, 73), 7. Jamshid Hasanov, 9. Nosir Otaqo‘ziyev (24. Ibrohim Raximov, 65), 10. Javohir Sidiqov, 19. Suhrob Berdiyev, 26. Akmal Xolmurodov, 55. Darko Gojkovich, 77. Murod Holmuhammedov, 99. Filip Rayevas.