Олий лиганинг 13-тур баҳслари якунланди. Турнинг сўнгги баҳсида "Бунёдкор" ўз майдонида "Қўқон-1912"ни қабул қилди ва осон бўлмаган ғалабани қўлга киритди.

Учрашувнинг 6-дақиқасида Достон Ҳамдамов ҳисобни очган бўлса, баҳснинг 20-дақиқасида қўқонликлар Носирбек Отақўзиевнинг голи эвазига ҳисобни тенглаштиришди.

Иккинчи бўлимда мезбонлар яратилган имкониятлардан биридан самарали фойдаланишди. Ҳамдамов бу ўйинда дублга эришди ва жамоасига ғалабани тақдим этди.

Миржалол Қосимов "Бунёдкор"га қайтганидан кейин Олий лига доирасида илк ғалабасига эришди. Бунгача "қалдирғочлар" кетма-кет 3та ўйинда юта олишмаганди.

Ушбу ғалаба туфайли "Бунёдкор" ўз очколарини 15тага етказди ва 12-ўринни эгаллаб турибди. "Қўқон-1912"нинг эса 11та ўйиндан иборат мағлубиятсиз ўйинлар сериясига барҳам берилди. Қўқонликлар 23 очко билан 3-ўринга тушиб қолишди.

Олий лига, 13-тур
«Бунёдкор»  – «Қўқон-1912» 2:1
Голлар: Достонбек Ҳамдамов (6, 60), Носир Отақўзиев (21)
“Бунёдкор”: 25.Муроджон Зуҳуров (С), 2.Рустамжон Ашурматов, 4.Акрамжон Комилов, 8.Жовлон Иброҳимов, 9.Шаҳзодбек Нурматов, 10.Элдор Шомуродов (28.Даврон Умиров, 72), 17.Достонбек Ҳамдамов, 19.Нурилло Тўхтасинов (20.сардор азимов, 90), 21.Дилшодбек Аҳмадалиев, 29.Отабек Шукуров, 44.Миржамол Қосимов (15.Фарруҳ Икромов, 61)
"Қўқон-1912": 12. Азиз Ашуров, 4. Баҳодир Акрамов (97.Ойбек Рустамов, 59), 5. Жалил Кимсанов (11.Андрей Сидиров, 73), 7. Жамшид Ҳасанов, 9. Носир Отақўзиев (24. Иброҳим Рахимов, 65), 10. Жавоҳир Сидиқов, 19. Суҳроб Бердиев, 26. Акмал Холмуродов, 55. Дарко Гожкович, 77. Мурод Ҳолмуҳаммедов, 99. Филип Райевац.