«Monako» Yevropa mamlakatlari chempionatlari ishtirokchilaridan bir qator iqtidorli futbolchilarni o‘z tarkibiga qo‘shib olishda davom etmoqda.

Kecha monegasklar “Barselona”dan Xordi Mbula Keraltni sotib olganliklarini e’lon qilgandi, bugun esa “Zulte-Varegem” jamoasi futbolchisi Sualixo Meyte bilan shartnoma imzolandi.

Meyte maydonda tayanch yarim himoyachisi ampluasida harakatlanadi, yosh iqtidor ortda qolgan mavsum Belgiyada eng yaxshi futbolchilardan biri bo‘lgandi.

Get Football News France nashrining xabariga ko‘ra, “Monako” Sualixo transferi uchun uning sobiq jamoasiga 8 million yevro to‘lab bergan.