«Монако» Европа мамлакатлари чемпионатлари иштирокчиларидан бир қатор иқтидорли футболчиларни ўз таркибига қўшиб олишда давом этмоқда.
Кеча монегасклар “Барселона”дан Хорди Мбула Керальтни сотиб олганликларини эълон қилганди, бугун эса “Зульте-Варегем” жамоаси футболчиси Суалихо Мейте билан шартнома имзоланди.
Мейте майдонда таянч ярим ҳимоячиси амплуасида ҳаракатланади, ёш иқтидор ортда қолган мавсум Бельгияда энг яхши футболчилардан бири бўлганди.
Get Football News France нашрининг хабарига кўра, “Монако” Суалихо трансфери учун унинг собиқ жамоасига 8 миллион евро тўлаб берган.
