Oliy liganing 14-turida "Navbahor" o‘z maydonida dastlabki davrani ajoyib o‘tkazayotgan "Olmaliq"ni qabul qiladi

20 iyun, seshanba. 19:00
«Navbahor» (Namangan) – «Olmaliq» (Olmaliq)
Hakamlar: R. Bobomuradov (Navoiy), O. Jumayev (Navoiy), R. Samandarov (Navoiy), I. Xudaydatov (Toshkent)
Nazoratchi: A. Xotamov (Toshkent).
O‘zPFL vakili: A. Frolov.

Bu ikki klubning yo‘llari Oliy liga o‘yinlarida 18 bor kesishgan. Ustunlik “Olmaliq” tomonida. 9ta o‘yinda “Olmaliq”ning qo‘li baland kelgan bo‘lsa, 5ta uchrashuvda “Navbahor” g‘olib chiqqan. Yana 4ta bahsda g‘olib aniqlanmagan. To‘plar nisbati esa – 28:26, "Olmaliq" foydasiga. O‘zaro o‘yinlarda “Olmaliq” 31 ochkoni, “Navbahor” esa 19 ochkoni qo‘lga kiritgan. 

“Navbahor” maydonida bo‘lib o‘tgan so‘nggi besh uchrashuv: 
09.09.2016 «Navbahor» - «Olmaliq» 3:3
23.05.2015 «Navbahor» - «Olmaliq» 2:2
14.06.2014 «Navbahor» - «Olmaliq» 3:1
28.09.2013 «Navbahor» - «Olmaliq» 1:3
22.09.2012 «Navbahor» - «Olmaliq» 3:1

O‘zaro o‘yinlar haqida fakt: Namanganda bo‘lib o‘tgan 9ta o‘yinning uchtasida “Olmaliq”, uchtasida “Navbahor” g‘alabaga erishgan. Qolgan uchta o‘yinda durang qayd etilgan. Oxirgi yetti yilda “Olmaliq” safarda bu raqib darvozasiga kamida bitta gol urib kelmoqda.