Futbol agenti Mino Rayola "Milan" darvozaboni Janluiji Donnarumma atrofidagi voqealarga sharh berdi.

18 yoshli posbon ushbu haftada klub bilan 2018 yilning yozigacha imzolangan shartnomasini uzaytirishni istamadi. Bu jamoa rahbariyati va muxlislarining g‘azabini qo‘zg‘adi.

"Biz shartnomani uzaytirmaslikka kelishdik. Gap pulda emas. Bizga tahdid qilishdi. Donnarummaning oilasini ham ham o‘yin amaliyotini cheklash bilan qo‘rqitishdi. Futbolchini qo‘rqitib, jamoada ushlab trib bo‘lmaydi. Endi u butun mavsumni o‘tkazib yuborish xavfi ostida turibdi.

Biz hech qachon pul haqida gaplashmadik, faqat Janluiji uchun foydali bo‘lishi haqida bosh qotirdik. Yelishuvlarning moliyaviy tomonlari haqida u 95 foizga yakunlangandan so‘ng gapirish mumkin.

Donnarumma yangi shartnoma imzolashga tayyor edi, bunga shubha ham yo‘q di. Bizga tashqi dunyo bilan muloqot qilishni cheklab qo‘yishdi. Natijada shunday qadam qo‘yishga majbur bo‘ldik. "Milan" Donnarummani o‘zi yo‘qotdi. Janluiji o‘zini xafa qilayotgan va oilasini qo‘rqitayotgan jamoa bilan muzokara olib borishni ep ko‘rmadi.

Donnarummada hech qaysi klub bilan kelishgani yo‘q. "Yuventus", "Real" va boshqa bir qator klublar unga 14 yoshidayoq og‘iz solganlar. Agar u ketishni istagnida, avvlroq ketgan bo‘lar edi. Donnarummaning tez orada boshqa klubga o‘tishi hozir sodir bo‘lmaydi.

"Milan" sport direktori Massimiliano Mirabelli bilan munosabatlarimiz yaxshi emas. Biz mutlaqo boshqa-boshqa odamlarmiz. Uning xarakteri gij-gijlashga moyil. U bilan chiqisha olmayman. Marko Fassone bilan o‘rtamizda muammo yo‘q, men "Milan" bilan jang qilmoqchimasman. Ammo hozirgi holatda vaziyatdan chiqib ketishning iloji yo‘q", - deydi Rayola.