Футбол агенти Мино Райола "Милан" дарвозабони Жанлуижи Доннарумма атрофидаги воқеаларга шарҳ берди.

18 ёшли посбон ушбу ҳафтада клуб билан 2018 йилнинг ёзигача имзоланган шартномасини узайтиришни истамади. Бу жамоа раҳбарияти ва мухлисларининг ғазабини қўзғади.

"Биз шартномани узайтирмасликка келишдик. Гап пулда эмас. Бизга таҳдид қилишди. Доннарумманинг оиласини ҳам ҳам ўйин амалиётини чеклаш билан қўрқитишди. Футболчини қўрқитиб, жамоада ушлаб триб бўлмайди. Энди у бутун мавсумни ўтказиб юбориш хавфи остида турибди.

Биз ҳеч қачон пул ҳақида гаплашмадик, фақат Жанлуижи учун фойдали бўлиши ҳақида бош қотирдик. Елишувларнинг молиявий томонлари ҳақида у 95 фоизга якунлангандан сўнг гапириш мумкин.

Доннарумма янги шартнома имзолашга тайёр эди, бунга шубҳа ҳам йўқ ди. Бизга ташқи дунё билан мулоқот қилишни чеклаб қўйишди. Натижада шундай қадам қўйишга мажбур бўлдик. "Милан" Доннаруммани ўзи йўқотди. Жанлуижи ўзини хафа қилаётган ва оиласини қўрқитаётган жамоа билан музокара олиб боришни эп кўрмади.

Доннаруммада ҳеч қайси клуб билан келишгани йўқ. "Ювентус", "Реал" ва бошқа бир қатор клублар унга 14 ёшидаёқ оғиз солганлар. Агар у кетишни истагнида, аввлроқ кетган бўлар эди. Доннарумманинг тез орада бошқа клубга ўтиши ҳозир содир бўлмайди.

"Милан" спорт директори Массимилиано Мирабелли билан муносабатларимиз яхши эмас. Биз мутлақо бошқа-бошқа одамлармиз. Унинг характери гиж-гижлашга мойил. У билан чиқиша олмайман. Марко Фассоне билан ўртамизда муаммо йўқ, мен "Милан" билан жанг қилмоқчимасман. Аммо ҳозирги ҳолатда вазиятдан чиқиб кетишнинг иложи йўқ", - дейди Райола.