Oliy liga 14-turida «Paxtakor» klubi «Nasaf» bilan bellashdi.

Dastlabki daqiqalarda Lobanov ikki bor mahorat ko‘rsatdi. Narzullayev va Cheranning aniq zarbalarini Aleksandr qaytarib qoldi. Jamoamizdan Hakimov va Karimovning urinishlaridan so‘ng, to‘p mo‘ljalga aniq yetib bormadi. Tanaffusga jamoalar golsiz durang bilan yo‘l olishdi.

Ikkinchi bo‘limda tashabbusga erishgan "Paxtakor" raqib jarima maydoniga ketma-ket yorib kirdi. 67-daqiqada Karimovning darvoza yaqiniga oshirgan to‘pini to‘xtatib olgan Sergeev kuchli zarba yo‘llab, hisobni ochdi - 1:0.

Uch daqiqa o‘tgach, Sherzodning o‘zi gol urdi. Chamasi 30 metrlardan kuchli zarba bilan Karimov ajoyib to‘p muallifiga aylandi va farqni oshirdi - 2:0.

78-daqiqada Cheranning pasidan foydalangan Sayfiyev hisobni qisqartirdi. Oxirgi daqiqalarda Sergeev va Karimov qulay imkoniyatlardan gol ura olishmadi. 2:1 hisobidagi g‘alabani saqlab qolgan "Paxtakor" qiyin bellashuvda muhim muvaffaqiyatga erishdi.

Oliy liga 14-tur
19 iyun. Toshkent. "Paxtakor" stadioni.
"PAXTAKOR" - "NASAF" - 2:1 (0:0)
Gollar: Sergeev, 67 - 1:0. Karimov, 70 - 2:0. Sayfiyev, 78 - 2:1.
Hakamlar: V.Kovalenko, A.Rasulov, J.Saidov. Nazoratchi: F.Abdullayev.
"Paxtakor": Lobanov, Alijonov, Kozak, Tojiyev, Hoshimov, Ismatullayev, A.Ahmedov (YUsupov, 63), Karimov, Nurullayev (Sa’dillayev, 81), Sergeev, Hakimov (Avilov, 86).
"Nasaf": Suyunov, Shorahmedov, G‘aniyev (Erkinov, 71), Rahmatullayev, Abdurahimov, Golban, A’zamov, Rashidxonov, Sayfiyev, Narzullayev (Abduxoliqov, 82), Cheran.
Ogohlantirishlar: Hakimov, 35. Sayfiyev, 37. Tojiyev, 40.