“Buxoro” – “Bunyodkor” uchrashuvidan keyingi matbuot anjumanining birinchi qismida “qaldirg‘ochlar” ustozi ishtirok etdi.

- “Buxoro” jamoasini haqli g‘alaba bilan tabriklayman. Birinchi bo‘limdagi o‘yinimiz umuman qovushmadi. O‘yin taqdiri qandaydir 10-15 daqiqa ichida deyarli hal bo‘lib ulgurdi. Ikkinchi taymda o‘zimizga keldik, hisobni qisqartirdik. Ammo poyezd ketib bo‘lgandi. “Qo‘qon-1912”ga qarshi o‘yindan so‘ng yigitlar hayolan bugungi raqibni ham yutib bo‘lishgandi. Tarkibimizda raqobat yo‘q, markaziy himoyachilarimiz juda bo‘sh harakat qilishdi. Otabek Shukurov jiddiy xato qildi, himoyachi bunday o‘ynamasligi kerak. Ikkinchi davra oldidan tarkibimizni kuchaytiramiz. Chemirtanning taqdirini keyinroq hal qilamiz. Legioner olsak ham mahalliy futbolchilardan ikki bosh ustun bo‘lishi kerak. Agar o‘zimizning yigitlardan ustun bo‘lishmasa ulardan naf yo‘q, - deydi Mirjalol Qosimov.