Oliy liga 14-turidan o‘rin olgan «Lokomotiv»ga (0:2) qarshi o‘yindan keyin, «Dinamo» bosh murabbiyi Oleg Tyulkin o‘yin borasidagi taassurotlari bilan o‘rtoqlashdi.

"Ochig‘i, bugun nima bo‘lganligini yigitlar ham tushunmay qolishdi. Amaldagi chempion sanalmish «Lokomotiv» bilan o‘yin qiyin o‘tishini bilardik, shunga qaramay, faqat g‘alabani ko‘zlagandik. Uchrashuvdagi natija o‘yinga mos bo‘lmadi. Dastlabki 15 daqiqaning o‘zida uchta yaqqol golli vaziyatdan foydalana bilmadik. Umuman olganda, «Dinamo» 6 ta yaqqol golli vaziyatdan foydalana olmadi, «Lokomotiv» esa ikkita golli vaziyat yaratib, ikkita gol urdi. Raqib darvozaboni ham yaxshi harakat qildi. Faoliyatimda bunaqa omadsizlikni ko‘rmagandim. Birgina Abdumalik Abdullayevning o‘zi o‘yin taqdirini hal qilib qo‘yishi mumkin edi, ammo bugun na Abdumalikning, na «Dinamo»ning kuni emas ekan. Omad bizdan ochiqchasiga yuz o‘girdi. Aks holda bugun kamida uchta gol urishimiz kerak edi. Mag‘lubiyatga qaramay, futbolchilarimiz o‘yinidan qoniqdik. Yigitlar maydonda borlarini berishdi. Qolaversa, Samarqanddan kelgan muxlislarimiz ham bizni tinmay qo‘llab-quvvatlashdi. Birinchi davraning so‘nggi o‘yinida «Mash’al»ga qarshi to‘p suramiz. Endi ushbu o‘yinga jiddiy tayyorgarlik ko‘rishimiz shart" - dedi Tyulkin.