"Milan" bosh direktori Marko Fassone jamoa darvozaboni Janluiji Donnarumma bilan bog‘liq vaziyat haqida ma’lumot berdi.
"Transferlar oynasi ochiq, ba’zi narsalar aniqlashtirilishini kutish lozim. Biz futbolchilar murabbiylar ixtiyorida bo‘lishlari uchun transferlarni mumkin qadar tezroq amalga oshirishni istaymiz. Biz o‘zimiz istagan futbolchilarning hammasini qo‘shib olishga ulgurmadik, ammo hali vaqt bor.
Donnarumma bilan bog‘liq vaziyatda hech narsa o‘zgargani yo‘q. Voqealar rivojini kutyapmiz, ammr vaqtimiz u qadar ko‘p emas.
Biz mavsumoldi tayyorgarlik jarayonigacha tezroq jamoani kuchaytirish ustida ishlayapmiz", - deydi Fassone.
