“Navbahor” futbol klubi rahbariyati jamoa muxlislari uchun iftorlik tashkil etdi.
Klub qarorgohidagi tadbirga jamoaning faxriy va faol muxlislari taklif etildi. Dasturxon atrofida ishqibozlar “Navbahor” jamoasining birinchi davradagi ishtirokini muhokama qilishdi. Iftorlik so‘nggida jamoa bosh murabbiyi Ilhom Mo‘minjonov muxlislar bilan uchrashib, savollarga javob berdi.
Bosh murabbiyi davralar oralig‘ida tarkibda bir qator o‘zgarishlar ro‘y berishini aytib o‘tdi. Birinchi davrada jamoa sharafini himoya qilgan ayrim o‘yinchilarga javob berishini bildirib, ularning o‘rni munosib futbolchilar bilan to‘ldirilishini ma’lum qildi. Iftorlik yakunida Qur’on tilovat qilindi. Yoshi ulug‘ muxlislar duoga qo‘l ochib, jamoaning kelgusi o‘yinlarida muvaffaqiyat yor bo‘lishiga tilak va hurmat ehtirom uchun minnatdorchilik bildirishdi.
