“Навбаҳор” футбол клуби раҳбарияти жамоа мухлислари учун ифторлик ташкил этди.
Клуб қароргоҳидаги тадбирга жамоанинг фахрий ва фаол мухлислари таклиф этилди. Дастурхон атрофида ишқибозлар “Навбаҳор” жамоасининг биринчи даврадаги иштирокини муҳокама қилишди. Ифторлик сўнггида жамоа бош мураббийи Илҳом Мўминжонов мухлислар билан учрашиб, саволларга жавоб берди.
Бош мураббийи давралар оралиғида таркибда бир қатор ўзгаришлар рўй беришини айтиб ўтди. Биринчи даврада жамоа шарафини ҳимоя қилган айрим ўйинчиларга жавоб беришини билдириб, уларнинг ўрни муносиб футболчилар билан тўлдирилишини маълум қилди. Ифторлик якунида Қуръон тиловат қилинди. Ёши улуғ мухлислар дуога қўл очиб, жамоанинг келгуси ўйинларида муваффақият ёр бўлишига тилак ва ҳурмат эҳтиром учун миннатдорчилик билдиришди.
