Bugun Konfederasiyalar kubogining 3 tur uchrashuvlari start oladi.

«A» guruhida Portugaliya Yangi Zellandiyaga qarshi bahs olib borsa, mezbon Rossiya Meksika bilan o‘ynaydi. Meksika-Rossiya qarama-qarshiligi ko‘pchilikning diqqat markazida turibdi. Chunki manashu o‘yin jamoalarning birini keyingi bosqichga olib chiqsa, yana birini guruhda qolib ketishiga sabab bo‘ladi.

Mazkur bahs oldidan amerikaliklar yarim himoyachisi Andres Guardado o‘yin oldi fikrlarini bildira turib, jamoasi faqat g‘alaba uchun maydonga tushishini gapirib o‘tdi.

«Jamoa o‘zini juda yaxshi his qilmoqda. O‘zimizga bo‘lgan ishonchimiz yuqori va keyingi bosqichga chiqishimizga ishonamiz.

Ortda qolgan ikki tur ancha qiyin bo‘ldi, ammo natijalardan qoniqdik. Hozir esa Rossiyani mag‘lub etish haqida o‘ylamoqdamiz. Albatta hech kim guruhda qolib ketishni istamaydi.

Bunday muhim o‘yin oldidan mag‘lubiyat haqida o‘ylashimiz mumkin emas. Biz o‘zimizga ishonamiz, o‘z potensialimiz, o‘yin sifatimiz yaxshi. Har qanday raqibga qarshi maydonga qo‘rquvsiz chiqamiz.

Barcha faktlar aytib turibdi bu o‘yinda biz favoritmiz. Mag‘lubiyatni umuman miyyamizdan chiqarib yuborganmiz» – deydi Guardado «Chempionat» portaliga.