"Barselona" yarim himoyachisi Mark Bernal Kataloniya klubida qoladi. Bu haqda Mundo Deportivo nashri xabar bermoqda.
Avvalroq Madridning "Atletiko" klubi vakili 18 yoshli futbolchining agenti bilan muzokaralar o‘tkazgani haqida ma’lumotlar paydo bo‘lgan edi.
Biroq manbaning ta’kidlashicha, Bernal "Barselona"da baxtli. Jamoa bosh murabbiyi Xansi Flik unga to‘liq ishonch bildirmoqda. Qayd etilishicha, klub futbolchining ketishini hech qaysi darajada ko‘rib chiqmayapti, ya’ni hatto ijara varianti ham istisno etilgan.
Joriy mavsumda Bernal barcha turnirlarda 28 ta o‘yinda maydonga tushib, beshta gol urdi va bitta golli uzatmani amalga oshirdi.
Bernalning "Barselona" bilan amaldagi shartnomasi 2029 yilning o‘rtalariga qadar mo‘ljallangan.
