“Bunyodkor” – “Lokomotiv” uchrashuvidan keyingi matbuot anjumanining ikkinchi qismida “temiryo‘lchilar” ustozi ishtirok etdi.

- Birinchi bo‘limda ishonchli o‘yin ko‘rsatdik. Biroq nimagadir yigitlarimizda g‘alabaga bo‘lgan tashnalik yetishmadi. Tanaffusdan keyin “Bunyodkor”ning o‘yini kuchaydi, xavfli vaziyatlar sodir etdi va gol ham urdi. Yakunda esa ushbu gol yagona bo‘lib qoldi. Raqibni g‘alaba bilan tabriklayman. Bizda tarkib borasida muammolar yuzaga kelgan. Bir nechta yetakchi o‘yinchilarimiz jarohatlanishgan. Keyingi uchrashuvda Muhammad Kone xizmatidan foydalana olmaymiz. Chunki u bugun to‘rtinchi sariq kartochkasini “ishlab” oldi. Bugun maydonga tushirgan bir nechta futbolchilarimiz ko‘ngildagidek o‘yin ko‘rsata olishmadi. Ertaga o‘yin videotasmasini ko‘rib chiqamiz va kerakli xulosalarni qabul qilamiz, - deydi Andrey Miklyayev.