Tojikiston poytaxti Dushanbe shahrida 2–8 iyul kunlari Markaziy Osiyo futbol assosiasiyasining CAFA CUP U-15 turniri bo‘lib o‘tadi.
Markaziy Osiyo futbol assosiasiyasi (CAFA) bosh kotibi Avaz Maksumov musobaqaning bosh koordinatori etib tayinlandi. O‘FF Kotibiyati boshlig‘i Sanjar Rizayev hamda O‘FF texnik bo‘limi boshlig‘i, OFK va FIFA komissari Olim Arifov bo‘lajak o‘yinlarda komissarlik vazifasini bajaradi.
O‘zbekistonlik referilardan Jasur Muxtorov bosh hakam, Sultonmurod Ulfatov va Baxtiyorxo‘ja Shavkatov qanot hakamlari bo‘lib ishlaydi.
Eslatib o‘tamiz, CAFA CUP U-15 Dushanbe 2017 musobaqasida O‘zbekiston o‘smirlar termasi bilan birgalikda Tojikiston, Qirg‘iziston, Turkmaniston, Afg‘oniston va Eron U-15 terma jamoalari ishtirok etadi.