«Navbahor» muxlislari sayti tomonidan jamoaning birinchi davradagi eng yaxshi o‘yinchisini aniqlash uchun so‘rovnoma o‘tkazildi.
Unga ko‘ra Oybek Qilichev «Navbahor»ning dastlabki davradagi eng yaxshi o‘yinchisi bo‘ldi.
Oybek Qilichev mavsumning ilk qismida ko‘p o‘yinlarda maydonga tushmagan bo‘lsada, baribir muxlislarda iliq taassurot qoldirdi. Ikkilanmay shuni aytish lozimki, Qilichev «Navbahor»ning eng yaxshi xaridi bo‘ldi.
Ikkinchi pog‘onani Aziz Turg‘unboyev egalladi. Poplik futbolchi ushbu mavsumda ancha ishonchli to‘p surib, futbolchi sifatida o‘sganligi yaqqol ko‘zga tashlandi. Agarda Turg‘unboyev jamoani tark etmasa «lochinlar»ning haqiqiy yetakchisiga aylanishi shubhasiz.
Kuchli uchlikni G‘iyos Komilov yakunlab berdi. Agarda himoyachimiz davra o‘rtasida jarohat olmaganida «Navbahor»ning eng yaxshi o‘yinchisi bo‘lishi mumkin edi. O‘ylaymizki, ikkinchi davrada Komilov ajoyib o‘yinlari bilan barchani xushnud etadi.
Lochinlar.UZ talqinida birinchi davraning eng yaxshi o‘yinchisi:
1. Oybek Qilichev (167 ovoz)
2. Aziz Turg‘unboyev (155 ovoz)
3. G‘iyos Komilov (79 ovoz)
