«Навбаҳор» мухлислари сайти томонидан жамоанинг биринчи даврадаги энг яхши ўйинчисини аниқлаш учун сўровнома ўтказилди.
Унга кўра Ойбек Қиличев «Навбаҳор»нинг дастлабки даврадаги энг яхши ўйинчиси бўлди.
Ойбек Қиличев мавсумнинг илк қисмида кўп ўйинларда майдонга тушмаган бўлсада, барибир мухлисларда илиқ таассурот қолдирди. Иккиланмай шуни айтиш лозимки, Қиличев «Навбаҳор»нинг энг яхши хариди бўлди.
Иккинчи поғонани Азиз Турғунбоев эгаллади. Поплик футболчи ушбу мавсумда анча ишончли тўп суриб, футболчи сифатида ўсганлиги яққол кўзга ташланди. Агарда Турғунбоев жамоани тарк этмаса «лочинлар»нинг ҳақиқий етакчисига айланиши шубҳасиз.
Кучли учликни Ғиёс Комилов якунлаб берди. Агарда ҳимоячимиз давра ўртасида жароҳат олмаганида «Навбаҳор»нинг энг яхши ўйинчиси бўлиши мумкин эди. Ўйлаймизки, иккинчи даврада Комилов ажойиб ўйинлари билан барчани хушнуд этади.
Lochinlar.UZ талқинида биринчи давранинг энг яхши ўйинчиси:
1. Ойбек Қиличев (167 овоз)
2. Азиз Турғунбоев (155 овоз)
3. Ғиёс Комилов (79 овоз)
