KK-2017 yarimfinalidan o‘rin olgan Portugaliya - Chili (0:0, pen 0:3) o‘yinidan so‘ng, chililiklar bosh murabbiyi Xuan Antonio Pissi o‘yin haqida o‘z fikrlari bilan o‘rtoqlashdi.

«Uchrashuv davomida bizda ko‘plab imkoniyatlar yuzaga keldi, ayniqsa ikkinchi bo‘limda. Jamoa yakdil o‘ynaganidan juda xursandman. Futbolchilardan birortasi ham jiddiy xatolarga yo‘l qo‘yishmadi. To‘g‘ri o‘yin debyuti biz uchun oson bo‘lmadi. Biz o‘zimiz hohlagandek o‘yin ko‘rsata olmadik.

Penaltilar seriyasi futbolning eng ajoyib vaziyatlaridan biri. Hech kim unda ishtirok etishni istamaydi. Klaudio esa bunga tayyor va shuni kutgandi. U har bir raqibga alohida tayyorgarlik ko‘rgandi. U birinchi zarbani qaytarganida jamoa o‘zini hotirjam seza boshladi. Aslida bunga oldidan tayyorlanish juda qiyin. Ustiga ustak tayyorgarlikda bunday yuqori bosimni his qilib bo‘lmaydi. Biroq futbolchilarim raqib darvozaboni haqida yetarlicha ma’lumotga ega edilar. Biz chinyurakdan maydonda harakat qildik», - dedi Chili terma jamoasi bosh murabbiyi.

Eslatib o‘tamiz, Chili termasi 2 iyul kuni Germaniya-Meksika qarama qarshiligi g‘olibiga qarshi finalda bahs olib boradi.