КК-2017 яримфиналидан ўрин олган Португалия - Чили (0:0, пен 0:3) ўйинидан сўнг, чилиликлар бош мураббийи Хуан Антонио Пицци ўйин ҳақида ўз фикрлари билан ўртоқлашди.

«Учрашув давомида бизда кўплаб имкониятлар юзага келди, айниқса иккинчи бўлимда. Жамоа якдил ўйнаганидан жуда хурсандман. Футболчилардан бирортаси ҳам жиддий хатоларга йўл қўйишмади. Тўғри ўйин дебюти биз учун осон бўлмади. Биз ўзимиз ҳоҳлагандек ўйин кўрсата олмадик.

Пеналтилар серияси футболнинг энг ажойиб вазиятларидан бири. Ҳеч ким унда иштирок этишни истамайди. Клаудио эса бунга тайёр ва шуни кутганди. У ҳар бир рақибга алоҳида тайёргарлик кўрганди. У биринчи зарбани қайтарганида жамоа ўзини ҳотиржам сеза бошлади. Аслида бунга олдидан тайёрланиш жуда қийин. Устига устак тайёргарликда бундай юқори босимни ҳис қилиб бўлмайди. Бироқ футболчиларим рақиб дарвозабони ҳақида етарлича маълумотга эга эдилар. Биз чинюракдан майдонда ҳаракат қилдик», - деди Чили терма жамоаси бош мураббийи.

Эслатиб ўтамиз, Чили термаси 2 июл куни Германия-Мексика қарама қаршилиги ғолибига қарши финалда баҳс олиб боради.