Oliy liganing 3-turi doirasida bo‘lib o‘tishi kerak bo‘lgan, ammo keyinroq qoldirilgan o‘yinlardan biri bo‘lib o‘tdi. "Lokomotiv" o‘z maydonida Bekobodning "Metallurg" klubini qabul qildi va irodali g‘alabaga erishdi.
Uchrashuvning 22-daqiqasida Jahongir Abdumo‘minov mehmonlarni hisobda oldinga olib chiqdi va bu hisob tanaffusga qadar o‘zgarmadi. Ikkinchi bo‘limda "temiryo‘lchilar" o‘z o‘yinlarini o‘zgartirishga muvaffaq bo‘ldilar. Dastlab Murod Bobojonov hisobni tenglashtirgan bo‘lsa, oradan ko‘p o‘tmasdan Azizbek Omonov mezbonlarni hisobda oldinga olib chiqdi. Temur Kapadze esa o‘z goli bilan "Lokomotiv"ning g‘alabasini mustahkamladi.
Shu tariqa, birinchi davra yakuni bo‘yicha "Lokomotiv"ning ochkolari 35taga yetdi. Jamoa yaqin ta’qibchisi — "Qo‘qon-1912"dan 8 ochkoga ilgarilab ketdi.
Oliy liga, 3-turning qoldirilgan o‘yini
«LOMOKOTIV» – «METALLURG» 3:1 (0:1)
Gollar: Murod Bobojonov (52), Azizbek Omonov (63), Temur Kapadze (72) — Jahongir Abdumo‘minov (22)
"Lokomotiv": Ignatiy Nesterov, Kaxi Maxaradze, Ikrom Aliboyev, Sadriddin Abdullayev, Sardor Mirzayev, Temur Kapadze, Murodbek Bobojonov, Shuhrat Muhammadiyev, Oleg Zoteev, Sherzod Fayziyev, Jaloliddin Masharipov
"Metallurg": Zafar Safoyev, Hikmat Hoshimov, Doniyor Odilov, Ayubxon No‘’monov, Murodjon Toshmatov, Davron Karimqulov, Zohid Abdullayev, Mirg‘iyos Sulaymonov, Alisher Ziyovuddinov, Islombek Isoqjonov, Jahongir Abdumo‘minov
| № | Jamoa | O‘yin | G‘alaba | Durang | Mag‘-t | T-N | Ochko |
|---|---|---|---|---|---|---|---|
| 1 | Lokomotiv | 15 | 11 | 2 | 2 | 36-10 | 35 |
| 2 | Qo‘qon-1912 | 15 | 7 | 6 | 2 | 23-16 | 27 |
| 3 | Nasaf | 14 | 8 | 2 | 4 | 22-11 | 26 |
| 4 | Olmaliq | 15 | 6 | 6 | 3 | 12-11 | 24 |
| 5 | Paxtakor | 15 | 7 | 3 | 5 | 19-19 | 24 |
| 6 | Buxoro | 15 | 7 | 2 | 6 | 25-21 | 23 |
| 7 | Mash’al | 15 | 5 | 5 | 5 | 15-13 | 20 |
| 8 | Metallurg | 15 | 6 | 2 | 7 | 20-19 | 20 |
| 9 | Qizilqum | 15 | 5 | 5 | 5 | 15-16 | 20 |
| 10 | Dinamo | 15 | 5 | 4 | 6 | 18-18 | 19 |
| 11 | Navbahor | 15 | 4 | 7 | 4 | 16-19 | 19 |
| 12 | Bunyodkor | 14 | 4 | 6 | 4 | 13-14 | 18 |
| 13 | So‘g‘diyona | 15 | 5 | 2 | 8 | 19-26 | 17 |
| 14 | Sho‘rtan | 15 | 5 | 0 | 10 | 14-21 | 15 |
| 15 | Neftchi | 15 | 2 | 5 | 8 | 12-25 | 11 |
| 16 | Obod | 15 | 2 | 3 | 10 | 10-30 | 9 |
