Moskvadagi "Rossiya" konsert zalida professional boks bo‘yicha chempionlik jangi bo‘lib o‘tdi. Unda rossiyalik Aleksandr Povetkin va ukrainalik Andrey Rudenko WBO va WBA yo‘nalishlari bo‘yicha interkontinental chempion kamarlari uchun bahs olib borishdi.

12 raund davom etgan jangda, Povetkin ochkolar bo‘yicha g‘olib deb topildi.

Bu g‘alaba rossiyalik bokschining o‘tgan yil oxirida u bilan sodir bo‘lgan doping-mojarodan keyingi birinchi g‘alabasi bo‘ldi.

Qayd etish joizki, 1-raund o‘rtalarida kutilmagan hodisa yuz berdi. Povetkinning hujumi va klinchidan keyin ukrainalik bo‘yni sohasida og‘riq his qilayotganidan shikoyat qilgan va jang birozga to‘xtab qolgan. Sportchi shifokor tomondan ko‘rib chiqilgan, hakam esa jang supervayzerlari bilan maslahatlashuvlar o‘tkaza boshlagan, bu orada muxlislar ushbu vaziyatdan norozilik bildirib, hushtakbozlik qila boshlashgan, chunki ular jangdan haqiqiy shouni ko‘rish istagida edilar.

Biroq Rudenko murabbiyi bilan maslahatlashgach, jangni davom ettirishga qaror qilgan va bu tribunalar tomondan olqishlar bilan qarshilangan.