Vadim Abramov kelganidan keyin “Neftchi”ning o‘yinlari ijobiy tomonga o‘zgardi. Abramov o‘zi bilan birga shiddatkorlik olib kirdi, jamoa o‘yiniga hujumkorlikni singdirdi. Oqibatda Farg‘ona klubining o‘yiniga mazmun kira boshladi.
To‘g‘ri, ayni damda natija haqida to‘liq bunday deb bo‘lmaydi. Chunki, birinchidan, jamoa hali Abramovning hujumkorlikka asoslangan taktikasiga to‘liq moslasha olgani yo‘q. Buning uchun ma’lum muddat kerak bo‘lishi tayin. Ikkinchidan, “Neftchi”ning tarkibi Abramovning taktikasiga dosh bera olmaydi, ya’ni himoyaning bo‘shligi qarshi hujumda raqiblarga qo‘l kelmoqda. Tabiiyki, “Neftchi” hujumkor o‘yin ko‘rsatganidan keyin qarshi hujum bo‘lishi tabiiy, ana shunday vaziyatlarda “Neftchi”ning joniga ora kira oladigan tajribali himoyachilar kerak bo‘ladi. Eng muhimi, garchi ayni damda o‘zini to‘liq oqlamayotgan bo‘lsa-da, Abramov “Abramovcha taktika”sidan voz kechmoqchi emas. Ehtimol, hademay “Neftchi” mazkur taktikaga moslasha olsa, hammasi iziga tushib ketar.
Biz oliy ligadagi barcha murabbiylarni Abramovnikidek taktikaga asoslanib o‘ynashga chaqiramiz. Ana shunda oliy liga yanada shiddatliroq kechadi.
TERMA JAMOAGA FOYDASI BORMI?
