So‘nggi tafsilotlarga qaraganda, 200 nafar o‘t o‘chiruvchi yordamida bartaraf etilgan yong‘in 12 kishining bevaqt hayotdan ko‘z yumishiga sabab bo‘lgan.
Gap shundaki, voqea bo‘lib o‘tgandan so‘ng Londonning “Arsenal” klubi va Ispaniya yoshlar terma jamoasi futbolchisi Ektor Belyerin Twitter’dagi sahifasida kecha Polshada yakunlangan yoshlar (U-21) o‘rtasidagi Yevropa chempionati uchrashuvlarida qancha daqiqa maydonga tushgan bo‘lsa, har bir daqiqa uchun 50 funtdan xayriya puli ajratishga va’da bergandi.
Futbolchi musobaqada Ispaniya tarkibida jami bo‘lib, 381 daqiqa maydonda harakatlandi. Ammo Ispaniya yoshlari safida harakatlangan Belyerinning jamoasi musobaqa finalida germaniyalik tengqurlariga kichik 0:1 hisobda imkoniyatni boy berishdi.
Ektor o‘z va’dasiga muvofiq, har bir daqiqani hisoblab (381*50=19050) chiqdi va 2 iyul kuni Britaniya qizil xoch jamiyatiga halok bo‘lganlarning yaqin kishilariga atab 19050 funt sterling xayriya pullarini yo‘naltirdi.
Ma’lumot uchun, 24 qavatli “Grenfell Tower” binosi 1970 yilda qurilgan bo‘lib, unda 200 ga yaqin xonadon joylashgandi.
