O‘zbekiston kubogi chorakfinalidan o‘rin olgan "Buxoro" - "Lokomotiv" (0:0) o‘yinidan so‘ng, mehmonlar ustozi Andrey Miklyayev o‘z fikrlarini aytdi.
"Bahs kubok o‘yinlariga xos tarzda o‘tdi, deya olaman. Biz raqibdan ko‘ra ko‘proq to‘p bilan muomala qildik. Lekin gol urish bobida omadimiz kelmadi.
Tarkibda yo‘qotishlar ko‘p ekanidan ko‘pchilikning xabari bor. Salamat Qutiboyev ham sekin-asta jarohatdan qutildi. U ilgari “Buxoro” tarkibida o‘ynagan. Uni biz deyarli jamoasiz qolgan paytida, ya’ni “Buxoro”dan ketganidan so‘ng tarkibga qo‘shib olgandik. U endilikda bizning futbolchi, biz hali undan ko‘p narsa kutyapmiz. Shu boisdan Salamatni hech qaysi klubga berib yuborish niyatida emasmiz", - dedi tajribali mutaxassis.
