«Atalanta» himoyachisi Andrea Konti «Milan»ga o‘tishga yaqin turibdi.
Gazzetta dello Sport xabariga ko‘ra, «rossoneri» 23 yoshli futbolchining transferi borasida «bergamaski» bilan kelishib olgan.
«Milan» Konti uchun 24 million yevro va yarimhimoyachi Matteo Pessinani beradi. Futbolchi 6 iyul kuni tibbiy ko‘rikdan o‘tishi kutilmoqda.
O‘tgan mavsumda Konti 33 o‘yinda maydonga tushib, 8ta gol urgan va 4ta golga hammualliflik qilgan.