«Navbahor» jamoasi o‘z tarkibiga ikki futbolchini qo‘shib oldi.
Jamoa murabbiyining qayd etishicha, Doniyor Usmonov va Abbos Maxsitaliyev endi «Navbahor»da to‘p suradi. Doniyor Usmonovning bu boradagi fikrlari bilan qiziqdik.
"To‘g‘risi, «Navbahor» jamoasidan taklif kutmagan edim. Avval meni Baxtiyor Ashurmatov «Navbahor»ga chorlagandi. Bir necha kun jamoa bilan shug‘ullangandim ham. So‘nggi lahzada «Lokomotiv» meni ortga qaytargandi. Mana, oradan ma’lum vaqt o‘tib yana shu jamoadaman. O‘ylaymanki, o‘z o‘yinim orqali namanganlik muxlislar ishonchini oqlayman", - dedi Usmonov.
Eslatib o‘tamiz, hujumchi «Olmaliq»da kam o‘yin amaliyotiga ega bo‘lganligi bois jamoasini tark etdi.
