«Навбаҳор» жамоаси ўз таркибига икки футболчини қўшиб олди.
Жамоа мураббийининг қайд этишича, Дониёр Усмонов ва Аббос Махситалиев энди «Навбаҳор»да тўп суради. Дониёр Усмоновнинг бу борадаги фикрлари билан қизиқдик.
"Тўғриси, «Навбаҳор» жамоасидан таклиф кутмаган эдим. Аввал мени Бахтиёр Ашурматов «Навбаҳор»га чорлаганди. Бир неча кун жамоа билан шуғуллангандим ҳам. Сўнгги лаҳзада «Локомотив» мени ортга қайтарганди. Мана, орадан маълум вақт ўтиб яна шу жамоадаман. Ўйлайманки, ўз ўйиним орқали наманганлик мухлислар ишончини оқлайман", - деди Усмонов.
Эслатиб ўтамиз, ҳужумчи «Олмалиқ»да кам ўйин амалиётига эга бўлганлиги боис жамоасини тарк этди.
