O‘zbekiston Kubogi–2017 musobaqasining chorakfinal javob o‘yinlarining o‘tkazilish sanasi o‘zgardi hamda yarimfinal dastlabki uchrashuvlarining kunlari belgilandi

Dastlabki rejaga ko‘ra, «Bunyodkor» – «Neftchi» javob uchrashuvi 25 iyul kuni, «Lokomotiv» – «Buxoro» va «Qo‘qon-1912» – «Nasaf» javob o‘yinlari 26 iyul kuni bo‘lib o‘tishi kerak edi.

Musobaqa chorakfinalida ishtirok etayotgan klublar safida O‘zbekiston milliy terma jamoasi a’zolari ham borligi, milliy terma jamoa 17–23 iyul kunlari xorijda yig‘in o‘tkazishi hamda futbolchilar qaytib kelgach tiklanishi uchun yetarlicha vaqtga ega bo‘lishi maqsadida chorakfinal javob o‘yinlarini tegishli ravishda 27 va 28 iyul sanalarida o‘tkazishga qaror qilindi.

O‘zbekiston Kubogi, 1/4 final
Javob o‘yinlari

27 iyul (payshanba)

«Bunyodkor» – «Neftchi»

 28 iyul (juma)

«Lokomotiv» – «Buxoro»

«Qo‘qon-1912» – «Nasaf»

Shuningdek, musobaqaning yarim final o‘yinlari kunlariga aniqlik kiritildi.  

O‘zbekiston Kubogi, 1/2 final
Dastlabki uchrashuvlar

31 iyul (dushanba)

«Dinamo» – «Bunyodkor» / «Neftchi» urchashuvi g‘olibi

 2 avgust (chorshanba)

«Lokomotiv» / «Buxoro» uchrashuvi g‘olibi – «Qo‘qon-1912» / Nasaf» uchrashuvi g‘olibi  

Yarim finalning dastlabki o‘yinlari mezboni qur’adan keyin ma’lum bo‘ladi.