Rossiya Aloqa va ommaviy kommunikasiya vazirligi xabariga ko‘ra, Konfederasiyalar Kubogi 2017 musobaqasiga 17 iyundan 2 iyulgacha deyarli 480 ming muxlis tashrif buyurgan.
Shulardan rossiyalik fuqarolar 90 foiz chiptalarni sotib olgan bo‘lsa, muxlislarning 10 foizini Chili, Meksika, Ukraina, Germaniya, O‘zbekiston, Belarus, Qozoqiston, AQSH, Xitoy, Nigeriya, Angliya, Armaniston va Tojikiston fuqarolari tashkil etgan.
Ta’kidlash joizki, ro‘yxatdagi mamlakatlardan tashqari yana 100 ta davlat fuqarolari uchrashuvlarni tomosha qilish uchun stadionlarga tashrif buyurgan.
Ma’lumotlarga ko‘ra, muxlis sifatida 13 ming kishi ro‘yxatdan o‘tgan, so‘ngra muxlislarga FAN ID jismoniy kartalar topshirilgan. Qiziqarlisi, Rossiyaga yashash va ishlash uchun borgan o‘zbekistonlik muxlislar musobaqaga tashrif buyurgan muxlislar qatorida yetakchilardan biri bo‘lib turishibdi.