Россия Алоқа ва оммавий коммуникация вазирлиги хабарига кўра, Конфедерациялар Кубоги 2017 мусобақасига 17 июндан 2 июлгача деярли 480 минг мухлис ташриф буюрган.
Шулардан россиялик фуқаролар 90 фоиз чипталарни сотиб олган бўлса, мухлисларнинг 10 фоизини Чили, Мексика, Украина, Германия, Ўзбекистон, Беларус, Қозоқистон, АҚШ, Хитой, Нигерия, Англия, Арманистон ва Тожикистон фуқаролари ташкил этган.
Таъкидлаш жоизки, рўйхатдаги мамлакатлардан ташқари яна 100 та давлат фуқаролари учрашувларни томоша қилиш учун стадионларга ташриф буюрган.
Маълумотларга кўра, мухлис сифатида 13 минг киши рўйхатдан ўтган, сўнгра мухлисларга FAN ID жисмоний карталар топширилган. Қизиқарлиси, Россияга яшаш ва ишлаш учун борган ўзбекистонлик мухлислар мусобақага ташриф буюрган мухлислар қаторида етакчилардан бири бўлиб туришибди.