Argentina terma jamoasi sobiq hujumchisi Gabriel Batistuta «Yuventus» hujumchisi Gonsalo Iguainni qo‘llab-quvvatlab chiqdi. Uning so‘zlariga ko‘ra, Iguainga shunchaki, finallarda omad kulib boqmaydi.
Eslatma, to‘purar hujumchi doimo final bahslarida o‘ziga o‘xshamay qoladi.
«Iguain – kuchli futbolchi, biroq xuddi Argentina terma jamoasi kabi finallarda undan omad yuz o‘giradi.
U terma va klub miqyosida ko‘plab hal qiluvchi bahslarda maydonga tushgan, ammo ko‘pincha imkoniyatni qo‘ldan boy bergan. Bularning barchasi shunchaki omadsizlik. Chunki Gonsalo to‘purarlik mahoratini juda ko‘p marotaba isbotlagan» – deydi Batistuta Goal portaliga.
