21 yoshli yarimhimoyachi Solomon Nyantakiya hayotida dahshatli burilish yuz berdi.
Football-Italia xabariga ko‘ra, Solomonning akasi uyiga kelganida, 43 yoshli onasi va yosh singlisining jasadini topgan. Shundan so‘ng, polisiyani chaqirgan. Huquq-tartibot idorasi xodimlarining olib borgan tergov harakatlari natijasida, shubha Solomonga tushgan. Polisiya uni so‘roq qilganidan so‘ng, u onasi va 11 yoshli singlisini o‘ldirganini tan olgan. Tergov chog‘ida futbolchining murabbiylari uni ruhiy muammolardan azob chekkanini ma’lum qilishgan.
Nyantakiya 2015 yilgacha «Parma» klubi tarkibida o‘ynagan. Keyinchalik, D seriya vakili «Imoleze» klubiga o‘tgan. Biroq yozda bu jamoani ham tark etib, erkin agentga aylangan edi.
