21 ёшли яримҳимоячи Соломон Ньянтакия ҳаётида даҳшатли бурилиш юз берди.
Football-Italia хабарига кўра, Соломоннинг акаси уйига келганида, 43 ёшли онаси ва ёш синглисининг жасадини топган. Шундан сўнг, полицияни чақирган. Ҳуқуқ-тартибот идораси ходимларининг олиб борган тергов ҳаракатлари натижасида, шубҳа Соломонга тушган. Полиция уни сўроқ қилганидан сўнг, у онаси ва 11 ёшли синглисини ўлдирганини тан олган. Тергов чоғида футболчининг мураббийлари уни руҳий муаммолардан азоб чекканини маълум қилишган.
Ньянтакия 2015 йилгача «Парма» клуби таркибида ўйнаган. Кейинчалик, D серия вакили «Имолезе» клубига ўтган. Бироқ ёзда бу жамоани ҳам тарк этиб, эркин агентга айланган эди.
