Davrlar oralig‘ida tanaffusga chiqqan «Mash’al» ikkinchi davraga tayyorgarlikni boshladi.
Mashg‘ulotlar Toshkent viloyatining “Chorvoq” oromgohida olib borilmoqda.
Hozirga kelib jamoani tojikistonlik Umedjon Sharipov va Abbos Amonov rasman tark etgan. Shuningdek jamoa tarkibiga uch nafar yangi futbolchi kelib qo‘shildi: Nikita Pavlenko (Neftchi), Umidjon Matmusayev (Sementchi), Javlon Mirabdullayev (Bunyodkor).
Bu futbolchilar ayni vaqtda «Mash’al» safida mashg‘ulotlarda ishtirok etishmoqda va yaqin kunlarda klub ular bilan shartnoma imzolaydi.
Jamoamiz 17 iyul kuni tibbiy ko‘rikdan o‘tadi. Shundan so‘ng, 18 iyul kuni navbatdagi mashg‘ulotlar yana Muborakda davom ettiriladi.
