Даврлар оралиғида танаффусга чиққан «Машъал» иккинчи даврага тайёргарликни бошлади.

Машғулотлар Тошкент вилоятининг “Чорвоқ” оромгоҳида олиб борилмоқда.

Ҳозирга келиб жамоани тожикистонлик Умеджон Шарипов ва Аббос Амонов расман тарк этган. Шунингдек жамоа таркибига уч нафар янги футболчи келиб қўшилди: Никита Павленко (Нефтчи), Умиджон Матмусаев (Цементчи), Жавлон Мирабдуллаев (Бунёдкор).

Бу футболчилар айни вақтда «Машъал» сафида машғулотларда иштирок этишмоқда ва яқин кунларда клуб улар билан шартнома имзолайди.

Жамоамиз 17 июль куни тиббий кўрикдан ўтади. Шундан сўнг, 18 июль куни навбатдаги машғулотлар яна Муборакда давом эттирилади.