«Navbahor» jamoasi tarkibida hozirda asosiy posbon Asilbek Omonovga jiddiy raqobatchi yo‘q.
Akmal Ortiqov (hozirda «Andijon»da) jamoani tark etgach asosiy tarkibda faqat Omonov qoldi. Qirg‘izistondan Mirzohid Mamatxonov klubga qaytdi, lekin bu bilan Mamatxonov Asilbekka raqobatchilik qiladi degani emas. Yoshlar jamoasidan ketgan Nodir Ashurmatov o‘rnini aynan Mamatxonov egallaydi.
Hozirda «Navbahor» ayrim posbonlarga ko‘z tikib turibdi. Jizzax jamoasini tark etgan Shohrux Eshbo‘tayev Mo‘minjonovning asosiy nishoni bo‘lib turibdi. Shuningdek, jamoa Erkin Jabborov va O‘tkir Yusupovga ham qiziqmoqda.
