«Lochinlar» joriy mavsumning birinchi davrasini deyarli yarmini durang bilan o‘tkazishdi.

Chempionat tarixida «Navbahor» shu paytgacha buncha miqdordagi durangni qayd etmagan. Bu bilan Ilhom Mo‘minjonov klub tarixida qoldi. O‘zbekiston chempionatida esa bunday ko‘rsatkich uchinchi bor kuzatilmoqda. 1992- yilda «Surxon», 1998- yilda esa «Do‘stlik» jamoalari mavsumning birinchi yarmida 7 bor durangga imzo chekishgan.

Birinchi davradagi eng yaxshi natijani «Navbahor» chempion bo‘lgan mavsumida namoyish qilgan. 21 yil avval «lochinlar» 15 o‘yinda 41 ochko jamg‘arib, birinchi o‘rinni egallagan. Bu yilgi mavsumda o‘z uyida yutqazmagan namanganliklar o‘shanda birinchi davrani mag‘lubiyatsiz o‘tkazgan. Ushbu mag‘lubiyatsiz seriya klub uchun yagonaligicha saqlanib turibdi.

Dastlabki 15 o‘yinda «Navbahor» bu yil o‘tgan yilgiga qaraganda 5 ochkoga ko‘p to‘pladi, lekin g‘alabalar soni o‘sha-o‘sha – 4 ta. Shuningdek egallangan o‘rin (12- pog‘ona) ham xuddi 2016 yilgi kabi bo‘ldi. 2008 yilda «Navbahor» birinchi davradagi eng yomon natijani ko‘rsatgan. O‘shanda klub 15 o‘yinda 3 bor g‘alaba qozongan xolos.

To‘plangan ochko borasida ham 2008 yilgi natija (14 ochko) «Navbahor» muxlislari yodida yomon xotira qoldirgan. Birinchi davrani kuchli beshlikda «Navbahor» so‘nggi bor 2006 yilda yakunlagan.

Birinchi davradagi...
Eng kam g‘alaba: 2008 (3 ta)
Eng ko‘p g‘alaba: 1996 (13)
Eng kam mag‘lubiyat: 2008 (3)
Eng ko‘p mag‘lubiyat: 1996 (0)
Eng kam durang: 2001 (0)
Eng ko‘p durang: 2017 (7)
Eng kam urilgan gol: 2011 va 2012 (11)
Eng ko‘p urilgan gol: 2000 (44)
Eng kam o‘tkazilgan gol: 1996 (8)