«Yuventus»ning sobiq himoyachisi Dani Alves Chempionlar ligasi finalidan oldin kiyinish xonasida janjal bo‘lganini inkor qildi.

Ma’lumki, «Yuventus» hal qiluvchi bahsda «Real»ga 1:4 hisobida yutqazgan edi.

«Bilib qo‘yinglar, bu mag‘lubiyatdan barchamiz qayg‘uga botdik va tonggi soat 6gacha uni muhokama qildik» - deb yozdi Alves tvitter sahifasida.

Avvalroq, matbuotda «Yuventus» hujumchisi Mario Manjukichning Chempionlar ligasi finalidan oldin kiyinish xonasida janjal bo‘lgani haqidagi gaplari tarqalib ketgan edi. U Dani Alves va Bonuchchi yoqalashib ketgani, so‘ngra Allegri ularni ajratib, o‘yindan keyin har ikkalasiniyam haydab yuborishini aytgani haqida gapirgandi. Keyinchalik, bu xabar uydirma ekani ma’lum bo‘ldi.