«Ювентус»нинг собиқ ҳимоячиси Дани Алвес Чемпионлар лигаси финалидан олдин кийиниш хонасида жанжал бўлганини инкор қилди.
Маълумки, «Ювентус» ҳал қилувчи баҳсда «Реал»га 1:4 ҳисобида ютқазган эди.
«Билиб қўйинглар, бу мағлубиятдан барчамиз қайғуга ботдик ва тонгги соат 6гача уни муҳокама қилдик» - деб ёзди Алвес твиттер саҳифасида.
Аввалроқ, матбуотда «Ювентус» ҳужумчиси Марио Манжукичнинг Чемпионлар лигаси финалидан олдин кийиниш хонасида жанжал бўлгани ҳақидаги гаплари тарқалиб кетган эди. У Дани Алвес ва Бонуччи ёқалашиб кетгани, сўнгра Аллегри уларни ажратиб, ўйиндан кейин ҳар иккаласиниям ҳайдаб юборишини айтгани ҳақида гапирганди. Кейинчалик, бу хабар уйдирма экани маълум бўлди.
