“Manchester Yunayted” butun dunyoda o‘zining millionlab muxlisiga ega. Ular klublarini juda-juda yaxshi ko‘rishadi. Jumladan, mana bu muxlisa — Lada ham.
“Mening ismim Lada. Men 10 yildan beri futbolga qiziqaman. Ochig‘i, birinchi marta nega futbolga qiziqqanman, futbolning nimasini yaxshi ko‘rganman, o‘zim ham bilmayman. Hatto nega aynan “Manchester Yunayted”ga qiziqqanim ham menga ma’lum emas. Bilganim shuki, “Manchester Yunayted” — mening eng sevimli jamoam. Uni hech narsaga almashmayman. Xuddi sevimli jamoamning sevimli futbolchisi Erik Kantona aytganidek, “Uyingni, mashinangni, sevgan qizingni almashtirishing mumkin, lekin sevimli jamoangni aslo boshqa narsaga almashtira olmaysan”.
Ko‘pchilik mendan “Hayotingdagi eng sevimli kun qaysi?” deb so‘rashadi. Men esa quvonch bilan shunday javob beraman: “Orzular teatri”ga tashrif buyurgan kunim!” Bilasizmi, nega bunday? Chunki men Manchesterga kelgan kunim xuddi yosh bolalardek quvonaman, hatto yig‘layman! Men sevimli futbolchilarim yashaydigan bu ko‘chalar, bu shahar, bu atmosferada o‘zimni baxtli his qilaman. Onam doim men haqimda shunday deydi: “Qizim qarindoshlari haqida ko‘p narsani bilmaydi, ammo sevimli jamoasining tarixi va o‘yinchilari haqida bilmagan narsasining o‘zi yo‘q”. Oyim ham, men “Manchester Yunayted” tarixi, afsonalari, o‘yinlari haqida soatlab gapirib berishim mumkin. “Manchester Yunayted” — qizlar jamoasi, bu jamoani
